غير مصنف

كيف يتم البدء في التجارة الالكترونية

هو انا لو فتحت سوق الكتروني هنجح؟ يعني ممكن انافس سوق وجوميا؟

طيب هو انا هبيع ايه؟ دانا حتي ما عنديش منتجات؟ ولا افهم حاجة في التسويق والبيع؟

اثبت عندك! تعالي معاي هبدأ معاك من الصفر بس شرطي تكون ناوي فعلا انك تتعب علشان تلاقي! المتجر الالكتروني هو مشروع زيه زي اي مشروع طبعا مع هو اسهل في الانشاء والانتشار اكثر من انك تفتح محل تبيع فيه منتج معين طبعا وتكون ثابت مكانك.

وخليك متاكد ان السوق اكبر من اللي انت متخيله وهتلاقي مكانك وسط الموجدين لو تعبت وعرفت تدخله.

تعالي معاي اول حاجة هقولك ازاي ممكن تختار منتجك لو ما كان عندك؟

ولو عندك منتج ازاي تبين فايدته صح واواي تبدا تبيعه؟

من اهم النقط علشان تبدا هي ان يكون عندك فكرة لمنتج او سوق معين او شايف ان في مشكلة في السوق ستقوم بحلها او بتسهيل بيعها من خلال متجرك الالكتروني؟ هل انت فعلا عندك فكرة؟ اذا كانت الاجابة لا فانت في المكان الصح …..

اولا خلينا نتفق على ٦ نقاط اللي هتكون مؤشر على ان المنتج دا فعلا جيد.

1. المنتج له قيمة عند المشتري

يعني انه بيوفرله الحاجة اللي الشخص متوقعها من شراء المنتج ودي فيها كلام كتير يعني مثلا ممكن تكون الحاجة اللي المنتج دا بيوفرها هي الحاجة الاجتماعية اللي هي يعني شكل الشخص في المجتمع ودا طبعا ينطبق حاليا علي الهواتف الذكية زي ايفون 10 او اكس مثلا، ناس كتير بتتسابق علشان تشتريه علشان يبقي هو اول واحد اشتراه وايضا ممكن يكون لحبة في التكنولوجيا مش بس اجتماعيا، ولعبتك انت هنا بقي ازاي تقول للناس دي اني عندي المنتج اللي انت هتجنن وتبقي اول واحد يشيلة ويستمتع بافضل تكنولوجيا وكمان هوفره لك قبل اي وبسعر افضل وخدمة ما بعد البيع (دا مثال وفي امثلة كثيرة انت بس ركز في اللي بيحصل حواليك وهتكتشف الكلام دا).

كمان ممكن يكون المنتج اللي بتقدمه هتوفر وقت كتير مثلا عليه من انه يلف في المحلات ويضيع وقت وجهد، فانت بتقدمله منتجات كتير ويقدر يشوفها ويخترا ويشتري وهو في مكانه، بس خلي بالك لازم انه يحس ان المنتج فعلا في ايده! يعني لازم توضحله كل تفاصيل المنتج وصور مختلفة واتعب علي شرح المنتج وتفاصيه، علشان انا مش هشتري غير لما تاكد انك نفس اللي بروح اشتريه من المحل.

دا بعض الامثلة طبعا وان شالله نبقي نتكلم فيها باستفاضة بعد كده ……

2. بص دائما علي المنتجات الصغيرة وسعرها معقول علشان تكون سهلة في الشحن

كل مكان المنتج كبير وتقيل كل ما كان سعر شحنة مكلف ودا في بداية الامر هيكون تجربة صعبة عليك الا لو انت فعلا فاهم منتجك وزبائنك.

3. اختار منتج محدد ومستهدف لفئة معينة من الزبائن

يعني مثلا ما تقول انك هتشتغل في السلاسل النسائية لكن خلي تركيزك اني هشتغل في السلاسل النسائية الذهبية واللي سعرها اقل من 100$ .

طبعا مفيش اي مانع انك تزود بعد كده وتكثر منتجاتك لكن احنا بنتكلم في بداية الامر.

4. اختار منتجات سعرها يتراوح من 10$ الي 150$ دولار

في البداية من الافضل انك تبدا بمنتجات تتراوح اسعارها من 15 الي وده علشان تقدر تبدا براس مال قليل ويمكنك البدا بمنتجات تكلفتها عالية لكن هتكون ايضا مخاطرتها عالية.

5. اختار منتج يستمر معاك

ودي من النقط المهمة باختيار المنتج لا تختار منتج بينزل مرة في العمر وخلاص، يعني مثلا لو عايز تتاجر بالاكسسورات ايفون 7 مثلا.

لا تروح تشتري مودلين او ثلاثة فقط من الكفر لانك وجدت سعرهم رخيص، فانت كده بتحصر نفسك في نقطة وازواق معينين لكن يجب عليك التجديد دائما.

ايضا من الافضل الابتعاد عن منتجات المواسم القصيرة خصوصا في مجتمعنا العربي زي مثلا منتجات الهالوين او راس السنة لان المخاطرة فيها كبيرة بالنسبة لمتجر مبتدأ.

6. إزاي اسعر منتجي؟

ودي فعلا من اهم النقط اللي كثير بيسؤلوا فيها والاجابة من واقع الخبرة اذا كنت في البداية ابحث عن منتج تقدر تكسب فيه 100% وانا اعلم ان هذا المبدا غريب للبعض، لكن هذه حقيقة السوق وستكتشف ذلك عندما تبدا بمصاريف الدعاية والتسويق وغيره، وبعد الانتشار يمكنك بيع منتجات باقل ربح عن هذا لانك سيكون لديك زبائن فعلين .

ودلوقتي بعد ما اعرفنا ازي احدد ان المنتج مربح او لا؟ تعالي اقولك شوية طرق تقدر تصطاد بيها منتجات وافكار لمشروعك؟ اليكم بعض الخطوات.

1. الطريقة السهلة، اصطياد منتجات جديدة من مواقع عالمية

وهي انك تقلب في منتجات مثلا علي امازون او علي بابا او اي موقع مشهور، وتلاقيها انها منتجات جديدة علي مجتمعنا وانها ممكن يكون ليه زبائن محتملين، وياسلام لو المنتج دا الناس بتجد صعوبة انه توصله.

وقريب هجبلكم موقع لناس كل شغلها انها قاعدة تشوف المنتجات الغريبة في امازون وتنزلها عندها ……..

2. تطلعاتك ومشاكلك والناس اللي محيطة بيك

والطريقة دي بتقولك انك تركز علي زمايلك وقرايبك وتشوف هل يواجه مشكلة في شي معين او كانوا محتاجين منتج معين ولم يستطيعوا الحصول عليه بسهولة، وتاخذ المشكلة وهتحاول تجدلها حلول سهله وبسيطة، لكن لا تكتفي بهذا اعمل بحث تسويقي بسيط للتاكد ان المشكلة ليست مشكلة فرد او اثنين وبذلك ستجد فكرة للبدا بها.

وهذه ما حدث لاحد الاصدقاء، لما وجد اختة المدرسة كل فترة تحتار تطبع التشيرتات المدرسية للطلبة في اي مكان والمشاكل اللي كانت بتواجها في المواعيد والخامات، فجاءته فكرة متجر الكتروني لبيع التشرتات المطبوعة بتكلفة اقل وتوصيل الي باب البيت وكان بعد كده تطور فكرته وبقي يستلم التصميم اونلاين ويطبعه ويرسل الطلبية للعميل وضمان كمان علي التشيرتات والطباعة.

فهذا مثال واضح علي الطريقة الثانية وجد مشكلة وفكر ازاي يحلها طبعا بعد ما عمل بحث سوقي وتاكد ان المشكلة موجودة فعلا ولها سوق.

3. منتجات لاصحاب الهوايات

في بلدانا العربية يوجد الرسامون والموسيقيون وغيرهم من اصحاب الهوايات، تقدر تمسك شريحة من محبين الهوايات وتسالهم عن المنتجات اللي بيستخدموها وازاي بيحصلوا عليها وهل في صعوبة بشي.

وتقترح عليهم مثلا افرض انا جبتلك المنتج لحد عندك كمان هتقدر تعرف كل يوم المنتجات الجديدة وتشوف اراء المستخدمين قبل ما تشتريها.

هذا مثال طبعا تقدر انت تكثر من الاسئلة زي ما تريد وتسال عن الاسعار وهكذا، وفيما يلي مجموعة كبيرة من الهوايات تقدر تدور فيها وتجد ما يناسب محيطك.

4. منتجات لها ترند

ودي ايضا من المنتجات اللي ممكن تكسب منها كويس اوي، لما تلاقي الناس عمالها تتكلم علي منتج غريب نازل وتلاقي له حديث عيل مواقع التواصل الاجتماعي، فانصحك تاخذ نصيبك من بيع المنتج دا.

ودا طبعا اللي شوفناه اليومين اللي فاتوا في مثلث الدوران لتخفيف التوتر “سبينير” والفكرة ان احنا بطبيعتنا بنحب نجرب اي شي جديد، لكن ليها درجات فتلاقي ناس اتسرعت واشترته لما كان سعره غالي حوالي 200 جنية وناس اشتريته لما بقي بحوايل 25 جنية علي موقع سوق وجوميا.

ودا مثال ازاي المنتج زي ده بسيط انتشر الانتشار الرهيب دا لدرجة انه بقي بتباع في البقالات.

فانصحك انك تفضل متابع وتقرا لحد ما تلاق ياللحظة اللي تصطاد فيها منتجك اقبل اي حد.

كده حددنا المنتج وطبقنا الخطوات اللي فوق عليه علشان نتاكد انه منتج مربح وعلي فكرة مش لازم كل الشروط لكن علي الاقل يكون عندك شرطين متحققين في المنتج، بس لو الكل يبقي افضل طبعا.

طيب هنعمل ايه بقي دلوقتي؟ والاجابة هتلاقيها في المقالة الجاية “إزاي نبني نموذج عمل لمشروعنا” وزي ما اتفقنا الطريق للنجاح مش سهل اصبر واتعب علشان تلاقي نموذج العمل دا هتبيني عليه مشروعك وهتعرف ازاي هتكسب وهتبيع لمين وازاي.

كمل هتوصل لحلمك وهتحقق الافضل لك ولمستقبلك ….. لانك تقدروتستحق تكون الافضل.

اظهر المزيد